urn:lj:livejournal.com:atom1:bnf_news bnf_news bnf_news 2005-11-01T18:21:39Z urn:lj:livejournal.com:atom1:bnf_news:2841 2005-11-01T18:21:39Z 2005-11-01T18:21:39Z Дарагія сябры, аднадумцы, сардэчна вітаю вас у Сядзібе БНФ у дні сьвятых Дзядоў. <p></p> <p align="left">Тут Беларускі дом, тут тэрыторыя свабоды. I дакуль гэтую сядзібу ў нас не забрала грубая сіла – тут будзе панаваць беларуская мова. Менавіта з гэтае прычыны нягоднікі-русапяты пэрыядычна дробна шкодзяць, паліваючы фарбаю і дзьверы фронтаўскае сядзібы, і ганак сядзібы ТБМ. Гэта ў цэнтры сталіцы, дзе колькасьць міліцыянтаў на квадратны мэтар ці не найбольшая ў Эўропе. </p> <p align="left"><a name="cutid1"></a>Але досыць жартаў. Калі Аляксей Лапіцкі, лідэр жодзінскіх ТБМ і БНФ, дамогся-такі беларускамоўнага навучаньня для свайго сына, спачатку яму таксама кідалі фарбу ў вокны. Але цяпер сталі ў гэтыя вокны страляць. Тым самым адказаўшы на пытаньне, каму трэба распальваньне варажнечы й страху ў нашай мірнай і талерантнай краіне. Мы павінны як мінімум прыняць жорсткую заяву салідарнасьці зь сям’ёй Лапіцкіх, запатрабаваць неадкладнага, максымальна публічнага дасьледаваньня справы, а калі трэба – стварыць грамадзкую сьледчую камісію. </p> <p align="left">Партыя БНФ ад пачатку ўсклала на сябе абавязак выконваць задачы ТБМ палітычнымі мэтадамі. Мы – партыя, якая заўжды стаяла й стаяць будзе за беларускую мову як адзіную дзяржаўную. Мы не прызнаем законным г.зв. рэфэрэндум 1995 году, якім скасаваны дзяржаўны статус нашых нацыянальных сымбаляў – сьцяга й “Пагоні”, які зноў зрабіў беларускую мову падчаркай уваччу дзяржавы. Рэфэрэндум на гэтыя тэмы пярэчыў Канстытуцыі, і таму дэпутаты Фракцыі БНФ у Вярхоўным Савеце абвясьцілі пратэстную галадоўку ў парлямэнцкай залі, і менавіта таму Лукашэнка загадаў спэцслужбам іх, асьвячоных недатыкальнасьцю прадстаўнікоў народу, зьбіць і гвалтам выкінуць з залі.</p> <p align="left">Таму недарэчнымі выглядаюць любыя спасылкі на дзяржаўнае двумоўе як ад беларускіх дзеячоў, так і ад дабрадзеяў з-за межаў Беларусі, калі яны абгрунтоўваюць жаданьне нам дапамагаць у здабыцьці альтэрнатыўнай інфармацыі – праз далейшае пашырэньне й без таго бязьмежнага расейскага інфармацыйнага поля.</p> <p align="left">А ўзаемазалежнасьць культураў і моваў у Эўропе вялікая. Раней яна ішла на шкоду меншых зь іх, цяпер часам і на карысьць. Калі пэўнай мове ўдаецца адстаяць да сябе пашану, яна набывае магутны – ужо міжнародны –імпульс для далейшага разьвіцьця. Так, кагадзе афіцыйнымі мовамі Эўразьвязу сталі мальтыйская мова (каля 300 тыс. носьбітаў) і ірляндзкая гаэльская мова (каля 600 тыс.).</p> <p align="left"></p> <p align="left">На кожным зьезьдзе я імкнуся закранаць розныя аспэкты абароны й разьвіцьця нашае мовы. Гэтым разам – пра важны абарончы бастыён, якім ёсьць яе міжнародны імідж. Ня толькі ў сувязі з тэндэрам Эўракамісіі на радыёпраграмы для Беларусі, дзе ў якасьці ўмовы было пазначанае расейскамоўе. </p> <p align="left">У сераду я сустракаўся з спадарыняй Бэнітай Фэрэра-Вальднэр, эўракамісаркай вонкавых дачыненьняў, фактычна міністаркай замежных справаў Эўразьвязу. Гаварыў, апрача іншага, пра мову фінансаванага Эўракамісіяй радыё. Мушу канстатаваць, што да г.зв. “старой Эўропы”, да прадстаўнікоў нацыяў з даўняй і незваротнай традыцыяй уласнае дзяржаўнасьці, з гарантаванаю пэрспэктываю іхных моваў, нашая каштоўнасная аргумэнтацыя даходзіць цяжка. Яны паўтараюць: вам трэба інфармацыя – дык якая розьніца, у якой упакоўцы? Адзінае, што сп-ню Фэрэра-Вальднэр прымусіла прыслухацца, – мой аргумэнт пра насычанасьць этэру расейскамоўнымі станцыямі. Сапраўды, слухач, ідучы (на жаль, ня дужа эфэктыўнымі) кароткімі хвалямі, натрапляе і на расейскую службу радыё Iсьлямскай Рэспублікі Iран, і на Пэкін, і на Гэльсынкі... Радыё, разьлічанае на велізарны расейскамоўны сьвет і таму бязьмежна далёкае ад нашых тэмаў і праблемаў. I толькі беларускія гукі вымушаюць прыслухацца: кожны разумее, што па-беларуску могуць гаварыць толькі беларусы, для беларусаў, пра Беларусь! </p> <p align="left">Зрэшты, што наракаць на іншаземцаў. Наракайма на сябе. Хто былі тыя ананімныя беларускія экспэрты, што нараілі Эўракамісіі расейскую мову й на экспэртызу якіх паклікаецца сп-ня Фэрэра-Вальднэр? Трэба іх выявіць і выцягнуць на публічную дыскусію. Мы ж свае пазыцыі не хаваем! Маскі, адгукніцеся! Магчыма, мы вас ведаем! </p> <p align="left">Нават нязначныя моўныя эпізоды могуць уплываць на палітычныя ўяўленьні й палітычныя рашэньні. Недзе год таму беларуская дэлегацыя, разнамасная, бо ня намі ўкладзеная, наведвала Брусэль. Перакладніцу нам “далі” расейскую (да таго ж былую супрацоўніцу савецкай амбасады): бальшыню дэлегацыі гэта цалкам задавальняла. I ў выніку высокі суразмоўца з Эўракамісіі падсумаваў: нікуды вы ня дзенецеся з-пад расейскага ўплыву, бо нават гаворыце па-расейску!</p> <p align="left">Яшчэ прыклад. На міжнароднай сустрэчы, прысьвечанай беларускім праблемам, зайшла гаворка пра расейскую мову радыёперадачаў для Беларусі. Я выклаў фронтаўскі погляд: да дэмакратычнае пэрспэктывы Беларусі такія праекты маюць невялікае дачыненьне, бо без нацыянальнай ідэнтычнасьці ў нас немагчымая ідэнтычнасьць дэмакратычная. Але са мной узялася палемізаваць спадарыня, якая пазыцыянуе сябе як рэгіянальны маладзёвы дэмакратычны лідэр. Яна заявіла: “Я паводле адукацыі выкладчыца беларускай мовы й літаратуры, але я ня ведаю, як па-беларуску будзе слова “ўнітаз”. Дык чаго вы хочаце ад іншых? Трэба ўзяць уладу, а тады за пяць гадоў увесьці і беларускую мову, і ўсё што трэба”. </p> <p align="left">Iншаземцы былі зачараваныя абазнанасьцю й агульнаю культураю выкладчыцы. Я ж скажу: нельга ставіць далёкасяжную грамадзкую мэту, не дасягаючы яе штодня ў сваім уласным жыцьці.</p> <p align="left">Падвышэньне міжнароднай распазнавальнасьці й міжнароднага прэстыжу беларускае мовы цяпер пачынае вымагаць асобнага кірунку дзейнасьці ТБМ. Мы павінны для любых міжнародных кантактаў патрабаваць беларускамоўных перакладнікаў. Тое самае з прыняцьцём іншаземных гасьцей тут у Беларусі. Дамагацца ў амбасадах блянкаў анкетаў па-беларуску. Прынцыпова карыстацца беларускаю моваю ў кантактах з супрацоўнікамі амбасадаў. Патрабаваць спыніць практыку набору іншаземцаў у беларускія ВНУ для вывучэньня ... расейскае мовы.</p> <p align="left">У нашую штодзённую практыку ў выніку глябалізацыі вярнулася патрэба пісаць лацінскімі літарамі. Гэта трансьлітарацыя нашых імёнаў у пашпартах і геаграфічных назоваў на мапах; гэта весткі, пасланыя праз мабільны тэлефон; гэта электронная пошта й электронныя адрасы. Але як мы пішам? Многія – абы-як трансьлітаруючы, часта ўвогуле з расейскае, паводле ангельскага, нямецкага ці польскага правапісу. Як быццам няма нашага моўнага скарбу – беларускае лацінкі, асьвячонай імёнамі Багушэвіча й Купалы, Тарашкевіча, Антона Лёсіка, Яна Станкевіча!</p> <p align="left">А чаму мы дазваляем скажаць назву нашае Бацькаўшчыны? Ня “Белая Расея”, ня Weißrußland па-нямецку, Vitryska па-швэдзку ці Valgevene па-эстонску, а Belarus! Не Byelorussian, а Belarusan павінен па-ангельску гучаць прыметнік “беларускі”! Калі самі будзем настойваць на пашане – тады пачнуць прызнаваць і шанаваць.</p> <p align="left">Але ўсё гэта будзе мець сэнс і вынік толькі тады, калі мы тут, у Беларусі, будзем усюды й заўсёды гаварыць па-беларуску й дамагацца ад дзяржаўных і прыватных структураў па-беларуску нам адказваць і пісаць, афармляць дакумэнты й упакоўкі...</p> <p align="left">Неяк я сказаў актывісту Таварыства валійскае мовы, што ў Менску міліцыя затрымлівала маладых людзей паводле моўнае прыкметы, асабліва ў дні масавых акцыяў. На што ён мне флегматычна адказаў, што адседзеў некалькі год у вязьніцы, бо прынцыпова запаўняў падатковую дэклярацыю па-валійску, а трэба было толькі па-ангельску. I я падумаў сабе: усё адносна, і, як кажуць, ёсьць рэзэрвы для далейшага росту...</p> <p align="left">Мы – кадравая арганізацыя. Таму вяртаюся да свае ранейшае прапановы ўкласьці Кодэкс моўных паводзінаў сябра ТБМ, а нават Прысягу сябра ТБМ. Усё залежыць ад прынцыповае паставы кожнага з нас. Будзем цьвёрдыя ў прынцыпах – пераможам.<b> Жыве Беларусь!</b></p> urn:lj:livejournal.com:atom1:bnf_news:2659 2005-11-01T18:18:43Z 2005-11-01T18:18:43Z <strong>Менск, 30 кастрычніка.</strong> На перасячэньні бульвару Талбухіна й праспэкту Скарыны, насупраць брамы Ваньковічавага Лесу (парку Чалюскінцаў), сябры Моладзі БНФ дзеля ўшанаваньня Дзядоў вывесілі вялікія бел-чырвона-белыя сьцягі, перавязаныя чорнаю стужкаю. Iх выдатна бачылі з праспэкту Скарыны кіроўцы аўтамабіляў і тыя, хто выходзіў з парку. Бачачы сьцягі, аўтамабілісты сыгналілі, пешыя пачыналі напружана дыскутаваць. Сьцягі пралуналі да самага вечару, міліцыя іх не чапала. urn:lj:livejournal.com:atom1:bnf_news:2464 2005-09-05T20:53:37Z 2005-09-05T20:53:37Z Крапівенскае Поле, 3-4 верасьня. У ноч з суботы на нядзелю на Крапівенскім Полі пад Воршай прайшоў традыцыйны фэст беларускай аўтарскай песьні, прымеркаваны да гадавіны Аршанскай бітвы – Дня беларускай вайсковай славы. <br /><br />На фэст прыехалі каля 200 удзельнікаў з розных рэгіёнаў Беларусі: Воршы, Барані, Магілёву, Віцебску, Менску ды інш. Сёлета фэст пачаўся зь імшы ў памяць пра палеглых на гэтым месцы абаронцаў Айчыны. Яе правялі разам праваслаўны й грэка-каталіцкі сьвятары. Затым да самай раніцы пад зорным небам гучалі беларускія песьні, вершы, грала музыка. Сьвята скончылася толькі зь першымі промнямі верасьнёўскага сонца.<br /><br />Традыцыйную аршанскую карону, гэтым разам асьвячоную абодвума сьвятарамі, атрымаў папулярны паэт Андрэй Хадановіч.<br /><br />Аршанская арганізацыя Партыі БНФ забясьпечыла асьвятленьне пляцоўкі, дзе адбываўся фэст, і працу аўдыёапаратуры. Генэратар прывёз Сяржук Карпаў, старшыня маладзёвага “Зьвязу”.<br /><br />Хоць міліцыянтаў было больш, чым раней – тры машыны – аднак яны ў хаду сьвята ня ўмешваліся. Як сказаў аршанскі маладзёвы лідэр, сябра Партыі БНФ Iгар Казьмярчак, “яны ў нас ужо прызвычаіліся да ўгодак Аршанскай бітвы”. <br /><br />Алесь Шутаў; Прэс-група Партыі БНФ urn:lj:livejournal.com:atom1:bnf_news:2300 2005-09-02T20:53:57Z 2005-09-02T20:53:57Z Сёньня Міністэрства мінфармацыі выдала пасьведчаньне аб рэгістрацыі "БДГ. Деловая газета", значыць, наступны нумар "БДГ" выйдзе ў бліжэйшы аўторак. Між іншым, выхад сёньняшняга нумару быў сарваны.<br /><br />Дадамо, што ўжо цягам трох тыдняў "Национальная экономическая газета" выходзіць пад новым назовам "Экономическая газета", газэта "Белорусский рынок" ад 29 жніўня выходзіць пад назовам "Белорусы и рынок", а "Белорусская газета" 5 верасьня ўпершыню зьявіцца пад назовам "Белгазета". urn:lj:livejournal.com:atom1:bnf_news:1857 2005-08-31T19:55:10Z 2005-08-31T19:55:10Z Калектыў "БДГ" рыхтуе апошні нумар газэты.<br />Міністэрства інфармацыі не зарэгістравала назву “БДГ. Деловая газета”. Міністр Уладзімер Русакевіч загадаў выдаўцу газэты Пятру Марцаву патлумачыць, што значыць “Б” ў абрэвіятуры. Марцаў сказаў, што гэта значыць “большая деловая газета”. Русакевіч загадаў перапісаць дакумэнты ды расшыфраваць абрэвіятуру ў дужках. Марцаў адмовіўся, спаслаўшыся на тое, што цягам трох месяцаў назва ўзгаднялася на ўсіх узроўнях і нарэшце была зацьверджаная Менгарвыканкамам а таксама былі ўнесеныя зьмены ў статут прадпрыемства “МАРАТ”. Цяпер жа трэба перарабляць і перападаваць ўсе дакумэнты наноў. Русакевіч паабяцаў, што зробіць так, каб усе зьмены ўнесьлі за адзін дзень. Марцаў не паверыў. Бліжэйшым часам "БДГ" будзе выходзіць толькі ў інтэрнэце. urn:lj:livejournal.com:atom1:bnf_news:1554 2005-08-31T10:08:50Z 2005-08-31T10:08:50Z 12 верасьня БТ распачне свой 50-ты сэзон. Пра гэта паведаміў 30 жніўня намесьнік старшыні Белтэлерадыёкампаніі Аляксандр Мартыненка.<br /><br />"Штомесяц ў этэры будзе зьяўляцца нешта новае", -- сказаў ён. Прыярытэт будзе адданы грамадзка-палітычным, інфармацыйна-аналітычным і сацыяльна-гуманітарным праграмам, дакумэнтальным стужкам, што цалкам абумоўлена маючымі адбыцца ў наступным годзе прэзыдэнцкімі выбарамі ў Беларусі.<br /><br />У прыватнасьці, у сетцы будзе аналітычная праграма "Панарама ў суботу".<br /><br />Нагадаем пра некаторыя сумнавядомыя "грамадзка-палітычныя", інфармацыйна-аналітычныя" і "сацыяльна-гуманітарныя" праграмы БТ апошніх гадоў: "Рэзананс", "Тайныя пружыны палітыкі", "Правы чалавека: погляд ў сьвет", "Кансьпіралёгія", "Вакол плянэты", "Постскрыптум", "У цэнтры ўвагі", "Развагі на тэму". urn:lj:livejournal.com:atom1:bnf_news:1501 2005-08-30T09:04:27Z 2005-08-30T09:04:27Z Менск, 27 жніўня. Сойм Партыі БНФ на жнівеньскім паседжаньні папярэдне падсумаваў другі этап вылучэньня адзінага кандыдата ад дэмакратычных сілаў. <br /><br />З палітычным дакладам выступіў старшыня Партыі БНФ Вінцук Вячорка. Ён падкрэсьліў, што раённыя сходы, якія прайшлі ў бальшыні адміністрацыйных раёнаў краіны, сталі беспрэцэдэнтнаю кампаніяй агульнабеларускае мабілізацыі, пераканаўчым адказам скептыкам, якія кажуць, нібыта за Менскай кальцавой нічога не адбываецца. Ніякая іншая палітычная кампанія ня можа сёньня параўнацца ступеньню прадстаўніцтва з працэсам вылучэньня "адзінага". Настойлівае імкненьне сабраць прынамсі 25 чалавек у кожным раёне - ня прыхамаць. Мінімум чвэрць сотні яўных актывістаў на сельскі раён (у гарадзкіх болей) - рэальнае апірышча будучай палітычнай кампаніі.<br /><br />Сходы выявілі фактычную карціну прысутнасьці партыяў у рэгіёнах. Лідэр БНФ у цэлым высока ацаніў патэнцыял і арганізацыйную працу рэгіянальных структураў Фронту. На гэты момант колькасьць дэлегатаў Кангрэсу - сяброў БНФ і іншых прыхільнікаў Аляксандра Мілінкевіча як адзінага кандыдата - перавышае лічэбнасьць прыхільнікаў іншых прэтэндэнтаў.<br /><br />В.Вячорка зазначыў, што вакол Беларусі адбываецца хуткі працэс цывілізацыйнага самавызначэньня краінаў былога савецкага абшару. Украінскі й грузінскі прэзыдэнты агучылі прапанову ўтварыць Садружнасьць дэмакратычнага выбару -- фактычна Балта-Чарнаморска-Касьпійскі сэгмэнт эўраатлянтычнае палітычнае й цывілізацыйнае прасторы. Дамаўляюцца наконт супольнае палітыкі стасоўна Лукашэнкі Ўкраіна, Польшча, Літва й Латвія. Зь іншага боку, Расея, выказваючы непрыхільнасьць да краінаў Балтыі, Польшчы, а цяпер і да Ўкраіны, не хаваючы памкненьня кантраляваць постсавецкую прастору, праводзіць сур'ёзныя вайсковыя манэўры супольна з Кітаем. Што гэта, калі не дэманстратыўны выбар нашай усходняй суседкай неэўрапейскага шляху? Нашая барацьба за вызваленьне ад дыктатуры будзе адбывацца менавіта ў такім геапалітычным кантэксьце, - заявіў В.Вячорка.<br /><br />Намесьнік старшыні Партыі БНФ, адказны сакратар Управы Віктар Iвашкевіч пазнаёміў сяброў Сойму з статыстыкай раённых сходаў і падкрэсьліў, як важна забясьпечыць яўку ўсіх дэлегатаў на Кангрэс.<br /><br />Сябры Сойму падтрымалі пазыцыю кіраўніцтва партыі наконт правядзеньня Кангрэсу дэмакратычных сілаў у вызначаны тэрмін, а таксама захаваньня кааліцыйнае "дзясяткі" як асновы творанага палітычнага блёку.<br /><br />Сойм прыняў заявы аб сытуацыі вакол Саюзу палякаў Беларусі і аб рашэньні Эўракамісіі падтрымаць расейскамоўнае радыё для Беларусі. urn:lj:livejournal.com:atom1:bnf_news:1036 2005-08-30T09:04:02Z 2005-08-30T09:04:02Z У сувязі з гвалтоўным умяшаньнем дзяржаўных органаў у нутраныя справы грамадзкай арганізацыі Саюз палякаў Беларусі (СПБ), спробамі зьмяніць сіламі АМАПу законна абранае кіраўніцтва СПБ на паслухмяных лукашэнкаўскаму рэжыму марыянэтак ды рэпрэсіямі супраць актывістаў гэтай арганізацыі, <br />Сойм Партыі БНФ<br /><br />- канстатуе, што наступ уладаў на Саюз палякаў Беларусі ёсьць часткаю агульнае стратэгіі рэжыму, скіраванай на поўнае зьнішчэньне грамадзянскай супольнасьці ў краіне, у выніку якой ужо пацярпелі сотні беларускіх дэмакратычных арганізацыяў палітычнага, прафсаюзнага, праваабарончага, адукацыйна-асьветнага ды іншых кірункаў;<br /><br />- падкрэсьлівае, што падобныя дзеяньні груба пярэчаць падпісаным Рэспублікай Беларусьсю міжнародным і міждзяржаўным пагадненьням у галіне аховы правоў нацыянальных мяншыняў;<br /><br />- пратэстуе супраць імкненьня ўрадавай прапаганды навязаць беларускаму грамадзтву погляд на гэтыя падзеі як на “беларуска-польскі канфлікт” і выкарыстаць іх для штучнага разьдзіманьня міжнацыянальных антаганізмаў унутры Беларусі;<br /><br />- выказвае салідарнасьць з законна абраным кіраўніцтвам СПБ на чале са спадарыняй Анжалікай Борыс і з усімі сябрамі арганізацыі, якія адважна адстойваюць сваё права на грамадзянскія свабоды;<br /><br />- лічыць ганебнаю ўладную палітыку тварэньня псэўдаграмадзкіх арганізацыяў, праявай чаго стала спроба шляхам адміністрацыйнага ціску, маніпуляцыяў і падману інсцэніраваць чарговы зьезд СПБ;<br /><br />- патрабуе безумоўнага спыненьня палітычна матываванага адміністрацыйнага, крымінальнага й псыхалягічнага перасьледу сапраўдных лідэраў СПБ.<br /><br /><br />Менск, 27 жніўня 2005 г. urn:lj:livejournal.com:atom1:bnf_news:994 2005-08-30T09:03:06Z 2005-08-30T09:03:06Z У мінулыя выходныя 27-28 жніўня на Белым возеры, недалёка ад Белаазёрска, адбыўся сход грамадзкіх і партыйных актывістаў, які арганізавала Берасьцейская абласная арганізацыя Партыі БНФ. На сходзе была рэпрэзэнтаваная большасьць раёнаў вобласьці. Сярод прысутных пераважалі дэлегаты, вылучаныя раённымі сходамі на Кангрэс дэмакратычных сілаў. У афіцыйнай частцы адбылася сустрэча з кандыдатам на прэзыдэнты Алесем Мілінкевічам. Удзельнікі абмяркоўвалі падрыхтоўку да Кангрэсу, выказвалі ўласнае бачаньне пытаньняў, якія ён павінен вырашыць. Разглядаліся прапановы далейшай супольнай працы пасьля абраньня адзінага кандыдата, падмацаваныя досьведам працы ў рэгіёнах.<br /><br />Акрамя ўдзелу ў абмеркаваннях, удзельнікі сходу адпачылі, пагулялі ў футбол. А ўвечары адбыўся канцэрт барда Зьмітра Бартосіка. Арганізатар сходу кіраўнік Берасьцейскай абласной арганізацыі партыі БНФ Ю. Губарэвіч адзначыў, што падобная сустрэча дэлегатаў Кангрэсу на абласным узроўні праводзіцца ўпершыню. І карысьць гэтай сустрэчы ў тым, што мы здолелі да пачатку Кангрэсу абмеркаваць і прыйсьці да згоды паводле большасьці пытаньняў. urn:lj:livejournal.com:atom1:bnf_news:572 2005-08-25T22:55:52Z 2005-08-25T22:55:52Z <b>Брусэль, 24 жніўня.</b> Сёньня прадстаўнікі Беларуска-Эўрапейскага Задзіночаньня (Бэльгія) й Зьвязу Беларусаў Замежжа (Чэхія) былі запрошаныя ў Брусэль на сустрэчу ў Эўрапейскай Камісіі з супрацоўніцай аддзелу ў справах Беларусі, Украіны й Малдовы Дэпартамэнту вонкавых дачыненьняў спн. Аннэ Койстынэн (Anne Koistinen). Галоўнай мэтай спатканьня было давесьці рэакцыю Рады Беларускае Народнае Рэспублікі й арганізацыяў у межах “Беларускай Вуніі” да праблемы расейскамоўнага радыёперадаваньня на Беларусь. У Эўракамісію былі перададзеныя звароты Рады Беларускае Народнае Рэспублікі, Згуртаваньня Беларусаў у Вялікай Брытаніі й Беларуска-Эўрапейскага Задзіночаньня (Бэльгія) супраць рашэньня нямецкае радыёстанцыі “Deutsche Welle” (Нямецкая Хваля) зарганізаваць новую штодзённую праграму для Беларусі на расейскай мове. Былі перададзеныя інфармацыйныя дакумэнты, у тым ліку заява Рады БНР ў праблеме польскае меншыні ў Беларусі. <br /><br />Падчас сустрэчы беларускія прадстаўнікі выказалі занепакоенасьць недаацэнкай эўраструктурамі беларускае мовы як складніку беларускае дэмакратычнае спадчыны. Спадарыня Койстынэн адзначыла, што рэакцыя беларускай грамадзянскай супольнасьці на рашэньне “Deutsche Welle” пра пачатак расейскамоўнага радыёперадаваньня на Беларусь была нечаканаю для Эўракамісіі. Аннэ Койстынэн паведаміла, што пагадненьне пра дапамогу нямецкай радыёстанцыі падпісанае тэрмінам на адзін год, а ў сувязі з тым, што пагадненьне ўжо падпісанае, выглядае цяжкім унесьці нейкія зьмены. <br /><br />На працягу дзеяньня дамовы з “Deutsche Welle” Эўракамісія дапускае магчымасьць падрыхтаваць новыя праекты, якія будуць разглядацца з улікам пажаданьняў беларускіх палітычных і грамадзкіх арганізацыяў стварыць беларускія службы “Нямецкае Хвалі” ці іншых электронных мэдыяў. З боку нашых арганізацыяў было прапанавана стварыць беларускамоўныя службы замежных радыёстанцыяў з выкарыстаньнем патэнцыялу беларускіх журналістаў, што маюць досьвед працы ў незалежных сродках масавай інфармацыі. urn:lj:livejournal.com:atom1:bnf_news:293 2005-08-25T22:50:16Z 2005-08-25T22:50:16Z <i>- У якім стане падрыхтоўка да Кангрэсу дэмакратычных сілаў?</i><br /><br />- Падрыхтоўка ідзе паводле пляну. Адбылася бальшыня раённых сходаў, астатнія будуць праведзеныя на працягу бліжэйшага тыдня. Дэлегаваць сваіх прадстаўнікоў на Кангрэс запрошаныя няўрадавыя арганізацыі ды ініцыятывы: для іх прадугледжаная адмысловая вялікая квота. Карыстаючыся нагодай, хачу запрасіць дэмакратычныя грамадзкія арганізацыі абавязкова скарыстаць гэтае запрашэньне, правесьці паседжаньні сваіх кіроўных органаў і паслаць правамоцных дэлегатаў на Кангрэс дэмакратычных сілаў. Асноўны варыянт месца правядзеньня Кангрэсу - Беларусь. У разе поўнае немагчымасьці правесьці Кангрэс цалкам у Беларусі пэўная яго частка пройдзе за блізкаю мяжою.<br /><br /><i>- У прэсе прайшла інфармацыя, нібыта 24 жніўня ўдзельнікі Стала дзейнае нарады дэмакратычных сілаў не змаглі падпісаць палітычнае пагадненьне. Што ў вас адбылося?</i><br /><br />- Я зьдзіўлены гэтай інфармацыяй, бо ніякіх - станоўчых ці адмоўных - сэнсацыяў не адбылося. Ніхто ня мог плянаваць на гэтую сераду ніякіх падпісаньняў. Спэцыяльная група распрацоўвае тэкст палітычнага пагадненьня. На яго падставе мяркуецца пашырыць і структураваць існую кааліцыю - г.зв. "дзясятку", запрасіўшы да ўдзелу ўсе дэмакратычныя палітычныя згуртаваньні, якія падтрымліваюць працэс вызначэньня адзінага кандыдата ды жадаюць працаваць супольна пасьля Кангрэсу й аж да перамогі. Магчымая назва - "За Беларусь". У пагадненьні дэталізуюцца ўзаемадачыненьні паміж будучымі Штабам адзінага кандыдата, Палітычнаю радаю як кіроўным органам пашыранай кааліцыі ды Нацыянальным камітэтам як правобразам ценевага ўраду; апісваюцца паўнамоцтвы адзінага кандыдата. Праект будзе дапрацоўвацца й абмяркоўвацца ў партыях і паміж прэтэндэнтамі да сярэдзіны верасьня. Падпісанае пагадненьне будзе да пачатку Кангрэсу дэмакратычных сілаў.